موضوع: بعض المواقف المحرجه والمضحكه للمخطوبين والمتزوجين الأحد يناير 25, 2009 6:56 am
هذه بعض المواقف المحرجه والمضحكه للمخطوبين والمتزوجين
{ المشهد .. 1
تقول الاخت .. زياراتها للمطاعم مع اهلها كانت قليله المهم اول ايام زواجها دخلت مع زوجها المطعم قال زوجها للقرسون هاتلي منيو و سألها وش تبيـن قالت مثلك ابغى منيو هههههههههههه زوجها تسدح من الضحك و هي تقول احسبها وجبه او طبق معين .... !!
:
{ المشهد .. 2
وحده كان الخجل ذابحها تقول زوجها كان كل يوم يجيب لهالاكل في الفندق وهي مسويه ما تشتهي و ما تحب ومن هالكلام و ما غير تناظر فيه وهو يلهط بهالاكل وذاك اليوم بالفندق جا الغدا و كالعاده زوجها سالها يلا ياا حياتي تعالي تغدي قالت لا كل انت بالعافيه انا مش مشتهية وهي مييييييته جوع ، وشبع الرجال ودق الباب ذاك الوقت المهم زوجها طلع وغاب اشوي وهي قالت في نفسها أكيد انه بيطول وما قدرت تمسك نفسها ومن كثر ماهي جعانه طبت في الأكل وياهي ماسكه الدجاجه بكبرها وتأكل فيها !!! وفي هذه الاثناء وش صار >>> طب عليها عريس الهنا وهي متلبسه بالجرم المشهود ومقبضه بيدينها الثنتين في الدجاجه و فمها مفتوح عالاخر ههههههههههه وقال لها ها اشوفك منتي مشتهيه ....!!
:
{ المشهد .. 3
في وحده شعرها دايم يحتاج له ستشوار مهو بناعم المهم يوم من الأيام الستشوار اخترب قالت مادري وش صار فيه عاد هي ذكاءها قادها لفكره جهنميه وش سوت راحـت على طاولت الكوي وانسدحـت وهاتـك يا كــوي بهالشعر وبرضه زوجها سوالها صادوه يوم دخأل وأخـتـنـا في الله تــكوي منسجمه الرجال انهبل على بالها تزوج وحده ماهي صاحيه ....!!
:
{ المشهد .. 4
هذا موقف لوحده بشهر العسل تقول كنت مسافره خارج السعوديه واشتهيت مطعم عربي الله لايعيدها المهم لقينا مطعم لبناني ورحنا له وحطو لنا طبعا قبل مانطلب زيتون ومخلل وجا الجرسون واقف فوق روسنا ياخذ الطلبات وزوجي يقوله الطلبات وانا احاول اصيد الزيتونه بالشوكه وكان تطير الزيتونه وتصقع وجه الجرسون وهو جالس ياخذ الطلبات قام قال عنا في لبنان ناكل الزيتون بايدنا عاد أنا مااسكت وأنثبر قلت غريبه حنا عنا بالسعوديه نصيدها بالشوكه ومن يومها للحين وزجي ماسكها علي كل ماشاف زيتون قال هاه بالشوكه والا باليد ههههههههههههههههههههههههههههه....!! مسكينة
:
{ المشهد .. 5
وحده تقول انا متزوجه ولد عمي و أول ماتزوجنا رحنا بريطانيا منها شهر عسل ومنها هو عنده دوره المهم تقول مره دخلنا المطعم واخذت المنيو وقعدت اناظر الكلام كله انقليزي في انقليزي وانا مااعرف ولا حرف تقول هو اختار والجرسون واقف عند راسي يحتريني اختار قالي زوجي تبين اساعدك بالاختيار قلت ليش طايحه من عينك انا اعرف اختار المهم تقول اخترت طلب محطوط في اطار وشكله كذا حركات قلت اكيد هذا شي وطلبته قال زوجي متاكده قلت ايه اصلا من زمان اطلبه لما كنت اطلع مع أهلي تقول قالها طيب ابشري وهو يضحك ويوم جابو الطلب هو مكرونه وحركات وانه يطلع وجبةأطفال ....!!
:
{ المشهد .. 6
يقولون فيه وحده تستحي من زوجها بالمرة زوجها تضايق وكلم خواته يكلمونها وكلم أم زوجته كذلك المهم أزعجوها امزحي مع زوجك أمزحي واللعبي وضحكي معه قالت ما أقدر المهم طولوا عليها بالكلام وفي مرة من المرات وهي مع زوجها سبقها زوجها بينزل مع الدرج قالت فرصه امزح معه شوي علشانه مايشوفني المهم دفته مع الدرج الا وهو في أخر الدرج متشقلب وقاعد يون ويصيح من الألم قالها وش فيك كذا جلست البنية تصيح وتقول كله من أهلك يقولون امزحي معه وهذي أخرتها ....
:
{ المشهد .. 7
وحده تقول اول ماتزوجت طحت عند باب المطبخ وانهبل زوجي وقالي بسم الله عليك سلامتك ياحياتي. وبعد مرور سنة طحت بنفس المكان ونفس الطيحة قالي عمى ماتشوفين
الرئيسية 
أحدث الصور 
الأحد يناير 25, 2009 6:56 am
